७ असोज
गौतमका अनुसार २४ घन्टामा जम्मा ९ हजार ४ सय ९७ पीसीआर परीक्षण भएका छन् । यसैगरी पछिल्लो २४ घन्टामा १८ सय ९३ जना कोरोनामुक्त भई डिस्चार्ज भएका छन् । यो सँगै नेपालमा हालसम्म कोरोनामुक्त हुनेको संख्या ४९ हजार ९ सय ९४ पुगेको छ ।
अमेरिकामा मात्रै दुई लाखको मृत्यु
कोरोना भाइरसको महामारीका कारण सबैभन्दा बढी प्रभावित भएको अमेरिकामा ज्यान गुमाउनेको संख्या दुई लाख नाघेको छ । जोन्स हप्किन्स विश्वविद्यालयको कोरोना भाइरस स्रोत केन्द्रका अनुसार कोभिड–१९ का कारण अमेरिकामा अहिलेसम्म दुई लाख सात सयको ज्यान गएको हो । संक्रमितको संख्या पनि अमेरिकामा ६८ लाख ९० भन्दा बढी पुगेको छ ।
राष्ट्रपति डोनाल्ड ट्रम्पले गएको मार्चमा ज्यान गुमाउनेको संख्या एक लाखदेखि दुई लाखसम्म रहेमा आफ्नो प्रशासनले राम्रो काम गरेको हुने बताएका थिए । गएको जनवरीमा संक्रमणको पहिलो केस पुष्टि भएयताको ९ महिनाभित्र अमेरिका विश्वकै सबैभन्दा बढी प्रभावित हुने देश बनेको छ भने संक्रमण पनि बढिरहेको छ ।
यसैबीच विश्वभर संक्रमितको संख्या तीन करोड १८ लाख २५ हजार भन्दा बढी पुगेको छ भने अहिलेसम्म विश्वभर ९ लाख ७६ हजार १ सय ५७ को ज्यान गएको छ ।