बेनी
कात्तिक ३
लोक सेवा आयोगले कात्तिक १६ गतेदेखि लिने भनिएका सबै परीक्षा स्थगित गरेको छ । सोमबार एक सूचना जारी गर्दै आयोगले यस्तो जानकारी गराएको हो ।
महामारीका कारण परीक्षमा सहभागी हुने उम्मेदवारहरुमा भयको वातावरण सिर्जना भएको र आयोगका कर्मचारीहरुमा समेत सङ्क्रमण पुष्टि भएका कारण अर्को सूचना जारी नभएसम्मका लागि परीक्षा स्थगित गरिएको सूचनामा उल्लेख छ ।
“परीक्षा व्यवस्थापनमा जनशक्ति खटाउन तथा परीक्षा व्यवस्थापन गर्न समस्या हुने भएकोले,” सूचनामा भनिएको छ, “आयोगको पूर्व निर्णय बमोजिम तोकिएका निजामति सेवा, सुरक्षा निकाय र सङ्गठित संस्थातर्फका सम्पूर्ण लिखित परीक्षा स्थगित गरिएको छ ।”