बेनी
असोज २९
छिमेकी जिल्ला बागलुङमा एकै दिनमा ५१ जनामा कोरोना भाइरस कोभिड–१९) को सङ्क्रमण पुष्टि भएको छ । क्षयरोग उपचार केन्द्र, पोखरामा गरिएको परीक्षणमा चार महिलासहित ५१ जना सङ्क्रमित देखिएका हुन् ।
यो सँगै गण्डकी प्रदेशमा मात्र पछिल्लो २४ घण्टामा ९७ जनामा कोरोना भाइरसको सङ्क्रमण भएको छ । बागलुङसँगै सङ्क्रमण थपिएका ५ जिल्लामध्ये कास्कीमा ३०, गोरखामा ७, लमजुङमा ३ र नवलपुर जिल्लाका ६ जना रहेका छन् ।
 |
| बागलुङ बजार |
सङ्क्रमण देखिएकामध्ये ८ जनाबाहेक सबै जना कन्ट्र्याक्ट ट्रेसिङमा परेका हुन् ।
नगरपालिकाको सेवा बन्द
नगरपालिकाका जनप्रतिनिधि र स्वास्थ्यकर्मीमा कोरोना सङ्क्रमण पुष्टि भएपछि बागलुङ नगरपालिकाले मङ्गलबारदेखि अर्को सूचना जारी नभएसम्मका लागि सबै सेवा बन्द गरेको छ । नगरपालिकाका स्वास्थ्यकर्मी र जनप्रतिनिधि सहित समुदाय स्तरमा कोरोना पुष्टी भएपछि नगरपालिकाले अत्यावश्यक सेवा बाहेकका सबै सेवा बन्द गरेको नगरपालिकाका सूचना अधिकारी युक्तप्रसाद सुवेदीले जानकारी दिएका छन् ।
सूचना अधिकारीका अनुसार नगरपालिकाको कार्यालय सहित १४ वटै वडामा अत्यावश्यक सेवा बाहेकका काम बन्द गरिएको हो ।