कात्तिक ५
पछिल्लो २४ घण्टामा देशभर थप ५ हजार ७४३ जनामा कोरोना भाइरसको सङ्क्रमण पुष्टि भएको छ । स्वाथ्य तथा जनसंख्या मन्त्रालयका प्रवक्ता डा. जागेश्वर गौतमले उक्त जानकारी गराएका हुन् ।
एकै दिनमा थपिएको यो संख्या अहिलेसम्मकै उच्च हो । देशभरका प्रयोगशालामा पछिल्लो २४ घण्टामा गरिएका २० हजार बढी पिसिआर परीक्षणबाट उक्त संख्यामा सङ्क्रमण पुष्टि भएको छ ।
यीसहित हालसम्म सङ्क्रमित हुनेको संख्या १ लाख ४४ हजार ८७२ पुगेको छ । यसमध्ये पछिल्लो पटक २ हजार ९९६ जना कोरोनाबाट मुक्त भएका छन् । यीसहित हालसम्म कोरोनाबाट निको हुनेको संख्या ९९ हजार ६०५ पुगेको छ । त्यसैगरी पछिल्लो २४ घण्टामा थप २६ जनाको कोरोनाबाट मृत्यु भएको छ ।
यीसहित हालसम्म कोरोनाबाट मृत्यु हुनेको संख्या ७९१ पुगेको छ ।