बेनी
असोज २८
भारतको पतञ्जली आश्रमका योगी रामदेव हात्तीमाथि बसेर योग गर्दागर्दै लडेका छन् । उत्तर प्रदेशको मथुरास्थित महावन आश्रममा सजाइएको हात्तीमाथि पलेटी कसेर रामदेवले योग गर्दै थिए । हात्तीमाथि चढेर योग गर्न थालेको भनेपछि उनलाई हेर्न वरिपरी मानिसको भीड जम्मा भएको थियो ।
अभ्यासका क्रममा रामदेवले आकाशतिर फर्केर आँखा बन्द गरेका थिए भने आफ्ना दुबै हात शिरमाथि राखेका थिए । तर, यसबीचमा अचानक हात्ती चल्मलायो । त्यसबेला सन्तुलन कायम गर्न नसक्दा रामदेव लडेका हुन् ।
हात्तीबाट खसेका उनी हाँस्दै उठे र अघि बढे । अहिले रामदेव लडेको भिडियो सामाजिक सञ्जालमा भाइरल बनेको छ ।
हात्तीबाट लडेका बाबाजीलाई पेलु नाम गरेका ट्वीटर प्रयोगकर्ताले सोधेका छन्ः
‘बाबाजी यो आशनको नाम त बताएर जानुस् ।’
त्यस्तै अर्का व्यक्ति रामदेव मण्डलले लेखेका छन्ः
बालकृष्णः ‘बाबाजी हात्तीबाट खसेर कस्तो लागिरहेछ ?’
बाबा रामदेवः ‘भारतको जिडिपी जस्तो ।’