बेनी
मङ्सिर ११
राष्ट्रिय परीक्षा बोर्डले कक्षा १२ को बिहीबार लिइएको भौतिकशास्त्र (फिजिक्स) विषयको परीक्षा रद्द नभएको स्पष्ट पारेको छ । फिजिक्स विषयको परीक्षा रद्द भएको र १७ मङ्सिरमा पुनः परीक्षा लिने भन्ने सामाजिक सञ्जालमा आएका सूचना भ्रमपूर्ण भएको भन्दै बोर्डले विज्ञप्ति नै निकालेर यस्तो जानकारी गराएको हो ।
बोर्डको वेबसाइट www.neb.gov.np मा यो सूचना प्रकाशित छ ।
बोर्डको आधिकारिक वेबसाइटबाहेकका कुनै पनि सूचनालाई आधार मानेर भ्रममा नपर्नसमेत बोर्डले अनुरोध गरेको छ ।
अस्ति ९ गतेदेखि शुरु भएको कक्षा १२ को परीक्षा मङ्सिर १६ गते सकिँदैछ ।