तनहुँ
मङ्सिर ११
बेनीबाट भैरहवा जाँदै गरेको यात्रुवाहक बस तनहुँ जिल्लाको आँबुखैरेनीमा दुर्घटना हुँदा १७ जना घाइते भएका छन् । प्रहरीका अनुसार लु २ ख ८८३ नम्बरको उक्त बस तनहुँको आँबुखैरेनीस्थित मिलनचोकमा सडकबाट पाँच मिटर तल खोल्सामा खसेको थियो ।
घटनामा परी बसमा सवार १४ जना यात्रु तथा बसको पछाडिको भागको ठक्करबाट आँबुबाट दमौलीतर्फ आउँदै गरेको ना ३२ प ५२५४ नम्बरको स्कुटरमा सवार तीन जना पनि घाइते भएका छन् । ट्राफिक प्रमुख रेशम रानाभाटले घाइतेमध्ये तीन जनालाई थप उपचारका लागि भरतपुर तथा एकलाई पोखरा पठाइएको जानकारी दिए
अन्य घाइतेको अवस्था सामान्य रहेको र केहीको स्थानीय स्वास्थ्य संस्थामा उपचार भैरहेको रानाभाटले बताएका छन् । घाइते हुनेमा तनहुँ, पर्वत र स्याङजाका यात्रु अधिक रहेको ट्राफिक प्रहरीको भनाइ छ ।
दमौलीन्यूजको सहयोगमा