बेनी
मङ्सिर १२
रघुगङ्गा–२ भगवती घर भई हाल बेनी नगरपालिकाको कार्यालयमा कार्यरत एक जना कर्मचारीमा कोरोना भाइरसको सङ्क्रमण पुष्टि भएको छ । पोखराको क्षयरोग उपचार केन्द्रमा गरिएको पिसिआर परीक्षणका क्रममा उक्त नतिजा आएको जिल्ला स्वास्थ्य कार्यालयका कार्यालय प्रमुख एकनारायण लम्सालले जानकारी दिएका छन् ।
म्याग्दीमा हालसम्म १३४ जनामा कोरोना सङ्क्रमण पुष्टि भएकोमा आठजना सक्रिय सङ्क्रमित रहेको कार्यालयले जानकारी दिएको छ ।
कोभिड–१९ को सङ्क्रमणबाट म्याग्दीमा हालसम्म चार जनाको मृत्यु भएको छ ।