बेनी
कात्तिक १६
जिल्लाकाे रघुगंगा गाउँपालिका–६ पाखापानीमा दुई समूहका युवाबीच झडप हुँदा एक युवा घाइते भएका छन् । स्थानीय काेटगाउँ र रातमाटाका युवाहरूका बीचमा भएको झडपमा साेही वडाकाे रातामाटाका ३५ वर्षीय युवा डम्बरबहादुर पुन गम्भीर घाइते भएका हुन् ।
घाइते पुनलाई स्थानीयले उद्धार गरी उपचारका लागि हेलिकप्टरमार्फत पोखरा मणिपाल अस्पतालमा लगिएको प्रहरी नीरिक्षक ध्रुवप्रसाद शर्माले जानकारी दिए ।
निरीक्षक शर्माका अनुसार युवाहरू बीच झडप भएकाे र घाइते भएका पुन बाटोभन्दा दुई सय मिटर तल अचेत, टाउको र शरिरमा चोट लागेको अवस्थामा फेला परेका थिए।
प्रहरी निरीक्षक शर्मा नेतृत्वको टोलीले घटनास्थल पुगेर झगडाको कारण र घटनास्थलबारे थप अनुसन्धान गरिरहेको छ।