बेनी
मङ्सिर १८
नेपाली कांग्रेसका वरिष्ठ नेता रामचन्द्र पौडेललाई पक्राउ गरिएको विरोधमा तरुण दल म्याग्दीले बिहीबार बेनीमा प्रदर्शन गरेको छ । तनुहँमा निर्माणाधीन मोटरेबल पुलको उद्घाटन गर्न आएका नेता पौडेललाई सुरक्षाको कारण देखाउँदै तनहुँ प्रहरीले बुधबार केही घण्टा नियन्त्रणमा लिएर छाडेको थियो । बुधबार तनहुँमा भएको घटनाको देशव्यापी विरोध गर्ने कार्यक्रम अनुसार तरुण दल म्याग्दीले पनि बिहीबार बेनीमा प्रदर्शन गरेको हो ।
बिहीबार बेनीमा मोटरसाइकल ¥यालीपछि आयोजित कोण सभालाई सम्बोधन गर्दै नेपाली कांग्रेस म्याग्दीका उपसभापति माधव रेग्मीले सरकार आफ्नै कारणले असफल बन्दै गएको र आत्तिएर नागरिकको संवैधानिक अधिकारमाथि हस्तक्षेप गर्न थालेको धारणा राखेका थिए ।
तरुण दल म्याग्दीका अध्यक्ष मुकुन छन्त्यालको अध्यक्षता र कोषाध्यक्ष हिरा पुनको सञ्चालन रहेको कोण सभामा नेविसंघ म्याग्दीका सभापति निर्मल खत्रीले पनि बोलेका थिए ।