बेनी
मङ्सिर २३
प्रधानमन्त्री केपी शर्मा ओलीले आजका लागि सर्वदलीय बैठक बोलाएका छन् ।
आज दिउँसो ११ बजे बालुवाटारमा बस्ने सर्वदलीय बैठकमा देशभर बढिरहेको राजावादीहरुको प्रदर्शनबारे पनि चर्चा गरिने बताइएको छ ।
प्रधानमन्त्रीको सचिवालयले जनाएअनुसार पछिल्ला राजनीतिक घटनाक्रम तथा समसामयिक विषयमा पनि छलफल गर्न सर्वदलीय बैठक बोलाइएको हो ।
यसअघि भारतले नेपाली भूमि मिचेर सडक बनाएका बेला पनि गत वैशाखमा प्रधानमन्त्री ओलीले सर्वदलीय बैठक बोलाएका थिए । त्यसयता सर्वदलीय बैठक बस्न लागेको यो दोस्रोपटक हो ।