बेनी
माघ १०
गजल
रवि प्राञ्जल
रिठ्ठेदाइ र कुम्लेबाको भोट बिर्सियौ कि ?
माटो छोई गरेको अठोट बिर्सियौ कि ?
जनहितका कुरा गर्दा तिमीलाई पनि
मलाईजस्तै लगाएको खोट बिर्सियौ कि ?
कता पुगे सुर्य छुने आदर्शका कुरा ?
आदर्शको न्यानोन्यानो कोट बिर्सियौ कि ?
उखेलेरै फ्याँके पनि बिषको त्यो वृक्ष
सुस्त सुस्त हुर्कदै छ बोट बिर्सियौ कि ?
हिजो पनि उस्तै थियो आज पनि उस्तै
यो माटोले पाएको त्यो चोट बिर्सियौ कि ?