बेनी
माघ १९
गत मङ्सिरमा लिइएको कक्षा १२ को नतिजा आज आउने भएको छ । राष्ट्रिय परीक्षा बोर्डको आइतबार बसेको बोर्ड बैठकले सोमबार नतिजा प्रकाशित गर्ने निर्णय गरेको हो ।
अघिल्ला वर्षहरुमा वैशाख जेठमा नै लिइने कक्षा १२ को परीक्षा यसपटक कोरोना महामारीका कारण स्थगित भई मङ्सिरमा मात्रै सञ्चालन गरिएको थियो । कक्षा १२ को परीक्षा गत मंसिर ९ देखि १६ गतेसम्म सञ्चालन भएको थियो।
राष्ट्रिय परीक्षा बोर्डको संशोधित कार्यविधिले ४० प्रतिशत पूर्णाङ्कको संक्षिप्त परीक्षा, ४० प्रतिशत पूर्णाङ्कको कक्षा ११ को प्राप्ताङ्क र २० प्रतिशत पूर्णाङ्कको विद्यार्थीको आन्तरिक मूल्याङ्कनका आधारमा कक्षा १२ को मूल्याङ्कन गर्ने व्यवस्था गरेको थियो ।