बेनी
फागुन ७
म्याग्दी सदरमुकाम बेनीमा सञ्चालित माउण्ट एभरेष्ट आवासीय माविले संस्था स्थापनाको ३१औं वर्षगाँठ मनाएको छ । बिहीबार विद्यालयमा आयोजित एक समारोहबीच विद्यालयले वार्षिकोत्सव एवं अभिभावक दिवस मनाएको हो ।
दिवसको अवसर पारेर विद्यालयले विद्यार्थी र अभिभावकका लागि खेलकूद प्रतियोगिता सञ्चालन, उत्कृष्ट विद्यार्थी, अभिभावक र शिक्षकलाई सम्मान तथा विविध सांस्कृतिक कार्यक्रम आयोजना गरेको विद्यालयका प्रिन्सिपल राजु केसीले जानकारी दिएका छन् । उक्त अवसरमा उत्कृष्ट अङ्क ल्याउने विद्यार्थी, प्रतियोगिताका विजेता र उत्कृष्ट शिक्षकलाई सम्मानसमेत गरिएको विद्यालयले जनाएको छ ।
विद्यालयका अध्यक्ष चन्द्रकुमार केसीको अध्यक्षता, शिक्षा विकास तथा समन्वय इकाई म्याग्दीका प्रमुख दलबहादुर थापाको प्रमुख आतिथ्य, शिक्षक रामप्रसाद सुवेदी र विद्यार्थी प्रतीक्षा पुनको स्वागत रहेको कार्यक्रमको सञ्चालन भाइस प्रिन्सिपल खुमबहादुर केसीले गरेका थिए ।