बेनी
मङ्सिर १४
म्याग्दीको मङ्गला गाउँपालिका२ बावियाचौरमा बाेलेराे दुर्घटना हुँदा एक जनाको मृत्युु भएको छ भने ५ जना घाइते भएका छन् ।
बाबियाचाैरकाे लाम्पाटाबाट सल्यानतिर जाँदै गरेको प्रदेश २–०३००१च ०२५२ नम्बरको बोलेरो जिप भाइबाङ खोला नजिकको सडकबाट खसेर दुर्घटना भएको हो ।
दुर्घटनमा परी जीपमा सवार ११ वर्षीय करिश्मा क्षेत्रीकाे मृत्युु भएको जिल्ला प्रहरी कार्यालय, म्याग्दीले जानकारी दिएको छ ।
दुर्घटनबाट जीपका चालक ४२ बर्षका खुमबहादुर कटुवाल सहित पाँच जना घाईते भएका छन् ।
घाईते हुनेहरूमा चालक कटुवाल र उनकी श्रीमती सुनिता क्षेत्री, जिपमा सवार सुकला केसी, कृपा क्षेत्री र राजन क्षेत्रीलाई उपचारको लागि बेनी अस्पतालतर्फ ल्याईएको छ ।
घटनाका घाइतेको उद्धारका लागि स्थानीय बासिन्दा र प्रहरी घटनास्थल पुगेका थिए ।