बेनी
जेठ ९
 |
म्याग्दीको मुदीमा पर्ने धौलागिरी हिमाल सरसफाईका क्रममा संकलन गरिएको फोहोर पुनः प्रयोगका लागि हस्तान्तरण गरिएको छ ।
‘सफा हिमाल अभियान २०२१’ अन्तर्गत संकलन गरेको फोहोर राष्ट्रिय निकुञ्ज तथा वन्यजन्तु आरक्ष निर्देशनालयका निर्देशक सहायक रथी हिमांशु खड्काले अभ्नी भेन्चर्सलाई शुक्रबार हस्तान्तरण गरेका हुन् ।
अभियानका क्रममा नेपाली सेनाको टोलीले पाँच हजार २० किलो फोहोर संकलन गरेको जानकारी दिँदै सहायक रथी खड्काले सोमध्ये कुहिने किसिमको ३ सय किलो फोहोर म्याग्दीको धवलागिरी गाउँपालिकालाई बुझाइएको थियो ।
बाँकी रहेको नकुहिने चार हजार ७०० किलो फोहोर पुनर्प्रयोगका लागि अभ्नीलाईृ हस्तान्तरण गरिएको हो ।
फोहोर संकलनका क्रममा फेला परेको दुई मानव कंकाल अनुसन्धान तथा कानूनी प्रक्रियाका लागि जेठ ५ गते जिल्ला प्रहरी कार्यालय, म्याग्दीलाई बुझाइएको छ ।
सफा हिमाल अभियान अन्तर्गत अहिले ६ वटा हिमालको सफाइ भइरहेको छ ।